Barselona hujumchisi Robert Lewandowski atrofidagi transfer mish-mishlari tobora kuchaymoqda. Sky xabariga ko‘ra, Portugaliyaning Portu klubi 37 yoshli polshalik hujumchini o‘z safiga qo‘shib olishga jiddiy qiziqish bildirmoqda. Hozircha rasmiy muzokaralar boshlanmagan bo‘lsa-da, Portugaliya grandi tajribali futbolchini o‘z jamoasida ko‘rishni istamoqda. Bu haqda Goal.com xabar beradi.
Lewandowskining Barselona bilan amaldagi shartnomasi joriy mavsum yakunida o‘z nihoyasiga yetadi. Tomonlar hamkorlikni yana bir yilga uzaytirish imkoniyatini istisno etishmayapti, biroq futbolchining klubdan ketish ehtimoli yuqori baholanmoqda. Unga Yuventus va Milan kabi Italiya klublari, shuningdek, MLS va Saudiya Arabistoni jamoalari ham qiziqish bildirmoqda.
Hujumchining o‘zi kelajagi borasida hali yakuniy qarorga kelmaganini ta’kidladi. U o‘z oilasi uchun eng maqbul variantni tanlashini aytib o‘tdi. Eleven Sports telekanaliga bergan intervyusida esa, u faoliyatining keyingi bosqichida "kichikroq chempionat"da o‘ynash imkoniyatini ham ko‘rib chiqayotganini yashirmadi.
Hansi Flick qo‘l ostida Robert Lewandowski asosiy tarkib o‘yinchisi bo‘lib qolmoqda. U joriy mavsumda 43 ta uchrashuvda maydonga tushib, 18 ta gol va 4 ta golli uzatmaga mualliflik qildi. Garchi ba'zida zaxiradan maydonga tushsa-da, uning statistikasi hamon yuqori darajada qolmoqda.
“Zamin”ni Telegramʻda oʻqing!
