Tottenxem yarim himoyachisi James Maddison uzoq davom etgan jarohatdan so‘ng katta futbolga qaytdi. Angliya terma jamoasi a’zosi 375 kunlik tanaffusdan so‘ng, dushanba kuni Lidsga qarshi kechgan va 1:1 hisobida yakunlangan bahsda maydonga tushdi. Bu haqda Goal.com xabar beradi.
Maddisonning aytishicha, uning tiklanish jarayoni dastlabki noto‘g‘ri tashxis tufayli qiyin kechgan. 2025-yil may oyida Yevropa ligasi yarim finalida Bodo/Glimtga qarshi o‘yinda tizzasidan jarohat olgan futbolchiga avvaliga jarrohlik amaliyoti kerak emasligi aytilgan edi. Biroq, keyinchalik reabilitatsiya samara bermagach, Janubiy Koreyada murakkab operatsiyani boshdan kechirishiga to‘g‘ri keldi.
Futbolchi bu davrni o‘z faoliyatidagi eng og‘ir pallalardan biri deb atadi. Uning so‘zlariga ko‘ra, jismoniy tiklanishdan ko‘ra, ruhiy tushkunlikni yengib o‘tish ancha qiyin bo‘lgan. Shunga qaramay, Maddison hozirda o‘zini jismonan juda yaxshi his qilayotganini va maydonga qaytganidan xursandligini ta’kidladi.
Tottenxem muxlislari o‘z yetakchisini stadionda juda iliq kutib olishdi. Jamoaning hozirgi qiyin holatiga qaramay, Maddisonning safga qaytishi klub uchun muhim voqea bo‘ldi. U endilikda jamoaga yordam berish va o‘z formasini tiklashga e’tibor qaratmoqchi.
“Zamin”ni Telegramʻda oʻqing!
