Dusan Vlahovicning Turindagi kelajagi tobora mavhumlashib bormoqda. Serbiyalik hujumchi yozda erkin agentga aylanish arafasida turibdi va Yuventus bilan muzokaralar qiyin kechmoqda. Xabarlarga koʻra, futbolchining agentlari allaqachon boshqa variantlarni koʻrib chiqishni boshlagan. Bu haqda Goal.com xabar beradi.
Maʼlumotlarga qaraganda, Vlahovicning vakillari Atletiko Madrid klubi bilan bogʻlanib, hujumchini transfer qilish imkoniyatini muhokama qilgan. Diego Simeone jismoniy jihatdan baquvvat va darvoza oldida sovuqqon harakat qiladigan hujumchilarni qadrlaydi, shu bois serbiyalik futbolchi Madrid klubi oʻyin uslubiga mos kelishi mumkin.
Tomonlar oʻrtasidagi asosiy kelishmovchilik moliyaviy masalalarga borib taqalmoqda. Vlahovic mavsumiga 8 million yevro maosh talab qilayotgan boʻlsa, Yuventus klubi byudjetni tejash maqsadida atigi 6 million yevro taklif qilmoqda. Bu taklif futbolchining hozirgi daromadidan deyarli 50 foizga kamroqdir.
Agar Vlahovic erkin agent maqomini olsa, unga Yevropaning yetakchi klublari, jumladan Bavariya, Barselona va Arsenal qiziqish bildirmoqda. Shuningdek, Milan klubi ham futbolchini Italiyada olib qolish variantini koʻrib chiqmoqda.
“Zamin”ni Telegramʻda oʻqing!
