Evropa chempionlar ligasining 1/2 final ikkinchi javob uchrashuvida «Atletiko» «Real»ni qabul qilib g‘alaba qozondi.
Uchrashuvning 12-daqiqasida Saul boshi bilan bergan zarba orqali hisobni ochgan bo‘lsa, 16-daqiqada Antuan Grizmann Fernando Torresga nisbatan ishlatilgan qo‘pollikdan so‘ng belgilangan penaltini aniq amalga oshirib, farqni ikkitagacha etkazdi. Biroq qolganiga «Atletiko»ning kuchi etmadi. 42-daqiqada Isko Kroos tomonidan berilgan zarbani Oblak qaytargach, qaytgan to‘pni darvozaga aniq yo‘llab farqni qisqartirdi.
Ikkinchi bo‘limda «Atletiko» futbolchilari xarchand urinishmasin, boshqa gol kiritishning uddasidan chiqa olmadi. «Atletiko» 2:1 hisobida g‘alaba qozongan bo‘lishiga, qaramay, ikki uchrashuv natijasiga ko‘ra, 4:2 hisobida g‘alaba qozongan «Real» final yo‘llanmasini qo‘lga kiritdi.
Shunday qilib 3 iyun kuni Kardiffdagi «Millineum» stadionida bo‘lib o‘tadigan finalda «Yuventus» va «Real» o‘zaro g‘oliblik uchun maydonga chiqadigan bo‘ldi.
Chempionlar ligasi, 1/2 final
Javob uchrashuvi
Atletiko – Real Madrid 2:1 (2:1)
Gollar: Saul (12), Grizmann (16, penalti) – Isko (42).
Atletiko: Oblak, Savich, Godin, Filipe Luis, Ximenes (Parti, 57), Saul, Ferreyra Karrasko, Gabi, Koke (Korrea, 76), Grizmann, Torres (Gameyro, 56).
Real Madrid: Navas, Varan, Marselo, Danilo, Ramos, Modrich, Kazemiro (Vaskes, 77), Kroos, Isko (Morata, 88), Ronaldu, Benzema (Asensio, 77).
Ogohlantirishlar: Danilo (4), Savich (6), Godin (34), Ramos (34), Gabi (37), Korrea (85).
Dastlabki uchrashuv: 0:3 “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Ukrainaning harbiy dron yig‘uv inshootlarini yo‘q qildi
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Erdo‘g‘on terrorchilar haqida keskin gapirdi
Har kuni kechqurun piyoda yurish organizmda qanday o‘zgarishlarga sabab bo‘ladi?
Rossiya qo‘shinlari Avdeyevkadagi ikkita qishloqni egallab oldi
AQSH rasmiylari: Millionlab amerikaliklar xitoylik hakerlar hujumiga uchragan
Moskvadagi terakt bo‘yicha yana uch kishi ushlandi
Rossiya ombudsmani: “Dunyo Moskva yaqinidagi terakt tashkilotchilarini topish yo‘lida birlashishi kerak”