“Manchester Siti” bilan kelishuvdan keyin Husanov qancha maosh oladi?
Abduqodir Husanov “Manchester Siti” bilan 2031 yilgacha amal qiladigan yangi shartnoma imzoladi. Ijtimoiy tarmoqlarda tarqalgan ma'lumotlarga ko'ra, uning yillik maoshi 7,5 mln yevro yoki taxminan 112,5 mlrd so'm bo'lishi mumkin. Bu hisob-kitob oyiga 625 ming yevro, haftasiga 144 ming yevro va kuniga 20,5 ming yevro daromadni anglatadi. Mazkur raqamlar klub yoki futbolchining o'zi tomonidan rasman tasdiqlanmagan.
Abduqodir Husanov “Manchester Siti” bilan yangi shartnoma imzoladi. Klub rasmiy xabariga ko‘ra, kelishuv 2031 yilgacha amal qiladi. Maosh miqdori rasmiy xabarda ochiqlanmagan.
Ijtimoiy tarmoqlarda tarqalgan ma’lumotlarga ko‘ra, yangilangan shartnomadan keyin o‘zbekistonlik himoyachining yillik maoshi 7,5 mln yevroni tashkil etishi mumkinligi aytilmoqda. Agar shu raqam asos qilib olinsa, bu taxminan 112,5 mlrd so‘mga teng bo‘ladi.
Hisob-kitoblarga ko‘ra, Husanov oyiga 625 ming yevro, ya’ni qariyb 9,38 mlrd so‘m olishi mumkin. Haftalik daromad 144 ming yevro, so‘mda esa taxminan 2,16 mlrd so‘m atrofida chiqadi.
Kunlik hisobda bu 20,5 ming yevro yoki 307,5 mln so‘mga yaqin summaga to‘g‘ri keladi. Soatbay hisoblaganda esa futbolchining daromadi 12,8 mln so‘m atrofida bo‘lishi aytilmoqda.
Hozircha bu raqamlar klub yoki futbolchining o‘zi tomonidan rasman tasdiqlanmagan. Aniq ma’lum bo‘lgani, Husanov “Manchester Siti” bilan uzoq muddatli yangi shartnoma imzolagan.
Izohlar 0
…