Ayni kunlarda Germaniyaning Gamburg shahrida boks bo‘yicha jahon chempionati davom etmoqda. 69 kg vazn toifasida ishtirok etayotgan hamyurtimiz Shahram G‘iyosov yarim finalda qozog‘istonlik Ablayxan Jusupovga qarshi ringga chiqadi. Sports.kz sayti esa mazkur jang oldidan boks bo‘yicha Qozog‘iston yoshlar terma jamoasi murabbiyi Galim Kenjabayev bilan qozog‘istonlik bokschining Shahram bilan jangdagi imkoniyatlari borasida kichik suhbat uyushtirdi.
– Ablayxan kecha hakamlarning turli qarorlari bilan venesuyelalik Gabriel Mestre Peres ustidan g‘alaba qozondi. Siz bu jangga qanday izoh berasiz?
– Ko‘rinib turdiki, Ablayxan bu jangda ehtiyotkorlik bilan harakat qildi. Bunga uning italiyalik bokschi bilan jangda olgan jarohati sabab bo‘ldi. U kecha tezkor va aniqlik bilan harakat qildi. Murabbiylar kecha venesuelalik raqibga qarshi juda to‘g‘ri taktika tanladi.
– Keyingi bosqichda esa ishonch bilan jang o‘tkazayotgan Shahram G‘iyosovga qarshi bahs yuritadi. Bu o‘yinda Jusupovning imkoniyatlarini qanday baholaysiz?
– G‘iyosovga qarshi bahs juda og‘ir o‘tadi. Bu shubhasiz. O‘zbek bokschisi ajoyib formada va uning Germaniyaga faqat g‘alaba uchun kelgani aniq. Ablayxan barcha kuchini ishga solishi lozim. Orada bir kunlik kichik ta’til bor va murabbiylar bilan Shahramga qarshi bahsda to‘g‘ri taktika tanlay olishsa bo‘lgani.
Manba: sports.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Har qanday katta yoshdagi kishi yetuk emas
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Blinken Isroildan uchta muammoni hal etishni talab qildi
Pashinyan Armanistonning Mustaqillik deklaratsiyani eng katta muammo va fojia deb atadi
Kreml Ukraina bo‘yicha muzokarada shartlar qo‘yishga urinmoqda
NATO bosh kotibi Ukrainaning frontdagi ahvoli yomonlashganini tan oldi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
