Vadim Abramov iste’foga chiqmadi. Ammo unga Murod Ismoilovni yordamchi qilib qo‘yishdi

Farg‘onaning «Neftchi» klubi murabbiylar shtabida o‘zgarish yuz berdi. Rahbariyat Murod Ismoilovni klubga qaytarishga majbur bo‘ldi.

«Neftchi» matbuot xizmatining xabar berishicha, Murod Ismoilov bosh murabbiy Vadim Abramovga yordam beradi. Bu Abramovning istagi bilan amalga oshib, Ismoilovni o‘z xohishiga ko‘ra olib keldimi yoki rahbariyat shuni talab qildimi — oydinlik kiritilmagan.

Bungacha «Neftchi» Toshkentda «Bunyodkor»dan yengilsa, Vadim Abramov iste’foga chiqarilishi mumkinligi borasida mish-mish aytilgandi. Boisi Karlenovich boshqaruvida Farg‘ona klubi ketma-ket 11 ta uchrashuvda zafar qucha olmadi.

Manba: Daryo “Zamin”ni Telegramʻda oʻqing!