Rossiya avtomobil bozorida RAVON brendini taqdim etib kelayotgan «Ravon Motors Rus» kompaniyasi 2017 yilning 1 oktyabrdan boshlab Rossiya terma jamoasi bilan hamkorlikni yo‘lga qo‘yadi. Bu haqda Rossiya futbol ittifoqi rasmiy saytiga tayanib Kun.uz xabar berdi.
Manba bergan xabarga ko‘ra, ikki tomonlama hamkorlik Rossiya terma jamoasining 7 va 10 oktyabr kunlari bo‘lib o‘tishi rejalashtirilgan Janubiy Koreya va Eron terma jamoalariga qarshi o‘rtoqlik uchrashuvlaridan boshlanadi. Kelishuvga ko‘ra kompaniya keng ko‘lamdagi imidj va reklama huquqlari, jumladan «RAVON— futbol bo‘yicha Rossiya terma jamoasining rasmiy homiysi» nomli titulidan ham foydalanishi mumkin bo‘ladi.
«Rossiya terma jamoasi bilan aloqalar o‘rnatganimizdan xursandmiz. Mamlakatning bosh jamoasi bilan ko‘zda tutilgan hamkorlik RAVON markasida avtomobillarga bo‘lgan qiziqishni oshishiga, bu nomdagi brend sportga qiziquvchi yoshlar o‘rtasida yanada ommalashishiga xizmat qiladi, deb ishonamiz», degan «Ravon Motors Rus» Bosh direktori Sharof Ashurov.
Ravon – 2015 yildan buyon General Motors Uzbekistan kompaniyalari mahsulotlarini Rossiya bo‘ylab taklif qilayotgan yangi brend bo‘lib, u Rossiyada 20 yildan ortiqroq vaqt davomida 1 milliondan ortiq avtomobil sotgan Uz-Daewoo brendining o‘rniga tashkil etilgan.
Ravon – «Reliable Active Vehicle ON road» atamalarining qisqartmasi bo‘lib tarjima qilinganda «yo‘lda umidli, faol harakatlanuvchi avtomobil» ma’noasini beradi. Shuningdek Ravon so‘zi o‘zbekchadagi asl ma’nosini saqlab qolgan bo‘lib, tekis, to‘g‘ri ma’nolarida ham keladi va buni yo‘lga nisbatan tekis va ravon yo‘l ma’nosida ham ishlatish mumkin bo‘ladi.
Eslatib o‘tamiz, hozirgi kunda Ravon Rossiya bozoriga to‘rt turdagi Ravon R2 (Spark), Ravon Nexia, Ravon R4 (Cobalt) va Ravon Gentra markali avtomobillarini taklif qilib kelmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
D vitamini dozasini oshirib yuborishning xavfli oqibatlari
Kolumbiya prezidenti Netanyaxuni hibsga olishga chaqirdi
Surxondaryo viloyatida ayiq IIB xodimiga jarohat yetkazdi
“Liverpul” 9 nafar superfutbolchini sotib olishni rejalashtirmoqda
Ispaniya Isroilga qurol olib ketayotgan kemani portga kiritishdan bosh tortdi
Rossiya va Ukraina urushida 300 ga yaqin Shri-Lanka fuqarosi ishtirok etmoqda
