5 361
Oliy Liga. «Bunyodkor» va «Lokomotiv» vodiy klublarini yenga olmadi. «Paxtakor» penalti sabab zafar quchdi
Futbol bo‘yicha O‘zbekiston Oliy Ligasining 27-turidan joy olgan 3 ta bellashuv yakuniga yetdi va unda Toshkent grandlari maydonga tushdi, deb yozmoqda Daryo nashri.
Chempionlik uchun asosiy da’vogar bo‘lgan «Lokomotiv» Farg‘onada «Neftchi» mehmoni bo‘lib, 0:0 hisobida durang o‘ynadi. Shu tariqa «temiryo‘lchilar» ketma-ket ikkinchi chempionlik uchun qadam tashladi. O‘tgan mavsum «Lokomotiv» o‘z tarixida ilk bor O‘zbekiston chempionligini qo‘lga kiritgandi.
«Lokomotiv»ga qarshi bellashuvda farg‘onalik futbolchilar 11 metrlik zarbadan aniq foydalana olmadi. Darvozabon Ignatiy Nesterov 15-daqiqadagi penaltini qaytarib, «Lokomotiv»ning sobiq ustozi Vadim Abramov ayni paytda boshqarayotgan jamoa zafar quchishiga yo‘l qo‘ymadi.
Chempionlikdan umidini uzmagan «Paxtakor» Jizzaxdan g‘alaba bilan qaytdi. «So‘g‘diyona»ga qarshi bellashuvning 1 soati o‘tgach, bosh hakam To‘xtasinov mezbonlar darvozasi tomon penalti belgiladi. Igor Sergeyev uni aniq amalga oshirib, «paxtakorchilar»ga 3 ochko taqdim etdi.
Mirjalol Qosimov boshqaruvidagi «Bunyodkor» ham «Lokomotiv» kabi vodiy klubini yenga olmadi. «Bunyodkor» stadionida «Navbahor»ni mehmon qilgan «qaldirg‘ochlar» so‘nggi daqiqada g‘alabani qo‘ldan chiqardi.
«Bunyodkor» Toshkent derbisida «Paxtakor»dan mag‘lub bo‘lgach, chempionlikdan umidini uzgandi. Klub Osiyo Chempionlar Ligasida to‘p surishni istasa, 4 dekabr kuni O‘zbekiston Kubogi finalida «Lokomotiv»ni taslim etishi kerak bo‘ladi.
O‘zbekiston Oliy Ligasi
27-tur bellashuvlari
3 noyabr, juma
«Neftchi» — «Lokomotiv» 0:0
Noaniq penalti: Muhsin Ubaydullayev, 15 (N.)
«So‘g‘diyona» — «Paxtakor» 0:1
Gol: Igor Sergeyev, 62-pen (0:1).
«Bunyodkor» — «Navbahor» 2:2
Gollar: Doston Hamdamov, 16-pen (1:0). Azizbek Turg‘unboyev, 19 (1:1). Vohid Shodiyev, 74 (2:1). A’zam Aliyev, 89 (2:2).
4 noyabr, shanba
«Olmaliq» — «Sho‘rtan» — 15:30
«Nasaf» — «Metallurg» — 17:00
«Qizilqum» — «Dinamo» — 17:00
«Buxoro» — «Qo‘qon—1912» — 17:00 “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
