Isroil Madrimovdan navbatdagi ishonchli g‘alaba!

Rossiyaning Beloyarskiy shahrida davom etayotgan boks bo‘yicha “Neft mamlakatlari kubogi” navbatdagi kungi bellashuvlarida 75 kg vazn toifasida ringga chiqqan Isroil Madrimov o‘zining zafarli yurishini davom ettirmoqda.

Ilk bellashuvda qozog‘istonlik Amandik Manashevni ishonchli tarzda mag‘lub etgan bokschimiz bu safar rossiyalik Vladimir Mirochnikov bilan kuch sinashdi.

Qiziqarli va murosasiz o‘tgan qarama-qarshilikda bokschimiz g‘alabaga erishdi va keyingi bosqichga yo‘l oldi.