«Real»ning yangi bosh murabbiyi e’lon qilindi

Ispaniya terma jamoasining amaldagi ustozi Xulen Lopetegi «Real» bosh murabbiyi etib tayinlandi. Bu haqda klub rasmiy sayti rasman e’lon qildi.

51 yoshli murabbiy JCh-2018dan so‘ng Madrid klubida ish boshlaydi. U «Real» bilan 3 yillik shartnoma tuzdi. Lopetegi 2016 yildan buyon Ispaniya terma jamoasi bosh murabbiyi bo‘lib ishlab kelayotgandi.

Bundan oldin «Portu» va 2008/09 yillarda «Real Madrid Kastilya»ni boshqargan.

Lopetegi 1988-1991 yillarda «Real» darvozaboni bo‘lgan, keyinchalik «Barselona» sharafini ham himoya qilgan.
“Zamin”ni Telegramʻda oʻqing!