Gvardiola: "APL yetakchisi "Liverpul"ga qarshi bahs shunchaki 3 ochko uchun bo‘lmaydi"

"Manchester Siti" bosh murabbiyi Gvardiola "Sautgempton" ustidan qozonilgan g‘alaba (3:1) yuzasidan fikr bildirdi.
"Ikki mag‘lubiyatdan so‘ng g‘alaba qozonish muhim edi va biz bu topshiriqni bajardik. Agar jamoa bir mavsumda 100 ochko jamg‘arib, kelasi mavsumning birinchi davra o‘yinlaridan keyin hisobida 45 ochko bo‘lsa, bu holda jamoananing ishlarini yomon deb bo‘lmaydi. Biz yaxshi odimlamoqdamiz. Ammo, bizning asosiy raqibimiz ayni vaqtda Yevropaning kuchli klublaridan biri hisoblanadi.

APL yetakchisi "Liverpul"ga qarshi bahs shunchaki 3 ochko uchun bo‘lmaydi. Ushbu uchrashuvgacha Gyundogan tayyor bo‘ladi. De Bryuynening maydonga tushish-tushmasligi payshanba kuni ma’lum bo‘ladi", — dedi Gvardiola. “Zamin”ni Telegramʻda oʻqing!