Futbol bo‘yicha O‘zbekiston milliy terma jamoasi Turkiya mehmoni bo‘lib, 2:0 hisobida mag‘lubiyatga uchradi.
Bizga kuchli termalar bilan o‘rtoqlik o‘yinlari nimaga kerak edi? Borimiz shu deysizmi? Yo‘q, bizda kuchli, iqtidorli futbolchilar aslida yetarli. Turklar bilan o‘yinda yevropaliklar go‘yo ochiqchasiga bizdan kuchlidek. Aslida futbolchilarga motivatsiya, o‘zlariga bo‘lgan ishonch yetishmadi. Termamizga kuchli, tajribali murabbiy shart emas. Ularga motivatsiya va o‘zlariga bo‘lgan ishonchni bera oladigan murabbiy kerak. Biz ko‘rganmiz Vadim Abramov davrida o‘sha ishonch-u, motivatsiyalarni. O‘sha biz bilan o‘yinlarda, xavotirga tushgan Yaponiya, Janubiy Koreya termalarini ezib yurishardi va hozir ham buni uddasidan chiqa olishadi. Farq esa, hozir yaponlar ham, koreyslar ham bizdan qo‘rqmay qo‘yishdi.
Bizga raqibdan hayiqib, yoshbolalarcha xatolarga yo‘l qo‘yadigan o‘yin uslubi kerak emas.
Yaxshiyam-ki, turklar penaltidan gol ura olishmadi va bir qator vaziyatlardan foydalana olishmadi. Umuman bor kuch, mahorat bilan oldinga intilavermay, xotirjam futbol o‘ynashdi. Aks holda sharmanda bo‘lishimiz turgan gap edi. Biz ko‘rganmiz bu yigitlarimiz bundan-da, yaxshi o‘ynay olishlarini. Ammo Turkiyadan, Yevropa bo‘lgani uchunmi, cho‘chib o‘ynashdi. Bu yigitlarga motivatsiya bering o‘zlarini ko‘rsatishadi. Bu Turkiyangizni asosiy futbolchilarini maydonga tushirishga majbur qilib qo‘yishardi.
To‘g‘ri, kimgadur Gvardiola, kimgadur Mourinioning o‘yini yoqadi. Bu normal holatligi ham to‘g‘ri. Ammo yana bir masala bor-ki, Samvel Babayan uslubi kimgadur yoqishiga ishonmayman. Shu qatorda Kuperning uslubi ham millionlab ishqibozlarga xush kelmayapti. Ertaga Babayanning kuni boshimizga tushmasin. O‘zbegimni sharmanda bo‘lishiga yo‘l qo‘ymang. O‘zbekiston buyuk va betakror yurt, millat bilan o‘yinda Turkiya kabi jamoalar mashg‘ulot o‘tagandek sharmanda qilishlariga yo‘l qo‘ymang.
Bular haqida aytgim, yozgim kelmaydi. Dilim, qalbim va Vatanga bo‘lgan muhabbatim tinchlik bermaydi. Bitishga ulgurmagan yaralar, mana bunday o‘yinlardan keyin og‘riq, qiynoq beradi va miyadan qo‘rqinchli xayollar o‘tadi.
Botir Mahkamov
Manba: Sports.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Ijtimoiy tarmoqlar davrida ruhiy salomatlikni qanday saqlash mumkin?
Rashida Tolib Kongress a’zolariga «achchiq haqiqat»ning suratini ko‘rsatdi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Dunyoning mashhur ayollari kunni qanday boshlaydi?
Shimoliy Koreya Rossiyaga uzoqqa zarba beruvchi qurollar yubordi
Global ochlik va qashshoqlikka qarshi kurash alyansiga 82 mamlakat a’zo bo‘ldi
