Neymar Messi, Valdes va "Real" futbolchilari haqida gapirdi

PSJ a’zosi Neymar o‘zi bilan birga to‘p tepgan, unga qarshi o‘ynagan eng kuchli futbolchilar hamda o‘zi bilgan eng yaxshi darvozabon haqida gapirdi.
Shuningdek, u «Real» hujumchisi Vinisius Juniorni kelajakda «Oltin to‘p»ga da’vogarlik qilishi mumkinligi haqida aytdi.

“Messi – men o‘ynagan futbolchilar orasida eng yaxshisi. Men uchun u dunyoda tengsizi va men ko‘rganlar ichida eng zo‘ri. U bilan birgalikda harakat qilganimiz esa esda qolarli bo‘lgan. Messi bilan o‘ynash men uchun faxr va rohat olib kelardi. Bundan tashqari, u mening do‘stim hamdir.

Serxio Ramos – men to‘qnash kelgan futbolchilar orasida eng kuchlisi.
Viktor Valdes – men taniganlar ichida eng ajoyib darvozabon hisoblanadi.

Vinisius – juda yosh futbolchi. O‘ylashimcha, ko‘p o‘tmay u ko‘zga ko‘ringan o‘yinchi bo‘lib yetishadi. U eng yaxshilaridan biri bo‘lib, «Oltin to‘p» uchun kurashadi. U o‘z o‘ylagan maqsadiga yetadi deb o‘ylayman”, – deya qayd etgan parijliklar forvardi. “Zamin”ni Telegramʻda oʻqing!