APL. "Liverpul" o‘z maydonida irodali g‘alabaga erishdi (video)

APLning 5-turi doirasidagi "Liverpul" hamda "Nyukasl" klublari o‘rtasidagi o‘yin bo‘lib o‘tdi.
Bahsning 7-daqiqasida kutilmaganda Yetro Villems juda chiroyli tarzda mezbon jamoa darvozasini ishg‘ol qildi, - 0:1. Goldan keyin Yurgen Klopp shogirdlari to‘p nazoratini to‘liq o‘z tomonlariga oldi va ketma-ket vaziyatlarni yuzaga keltira boshlashdi.

28-daqiqaga kelib "Liverpul" o‘z maqsadiga erishdi. Van Deyk - Roberston - Mane kombinatsiyasidan keyin senegallik hujumchi "Nyukasl" posboni qo‘riqlayotgan darvozasinin olis nuqtasini nishonga oldi, - 1:1. 40-daqiqaga kelib esa Mane uchrashuvdagi dublini rasmiylashtirdi. Firminoning uzatmasidan so‘ng Sadio "qizillar"ni hisobda oldinga olib chiqdi, - 2:1.

Ikkinchi bo‘limda "Liverpul" va "Nyukasl" ham vaziyatlarni ko‘kka sovurishdi. Darvoqe, Firmino o‘yin avvalida zaxirada qolgan edi. Biroq Divok Origining jarohat tufayli Roberto maydonga tushirilgandi. 72-daqiqaga kelib braziliyalik hujumchining navbatdagi uzatmasidan so‘ng Muhammad Saloh chiroyli tarzda "Nyukasl" darvozasini ishg‘ol qildi, - 3:1. Shu tariqa o‘yin "qizillar"ning g‘alabasi bilan yakunlandi va Klopp shogirdlari 15 ochko bilan turnir jadvalida yetakchilikni davom ettirmoqda.

"Liverpul" - "Nyukasl" 3:1
Gollar: S.Mane 28, 40, M.Salah 72 - Y.Villems 7.
"Liverpul": Adrian, Trent Aleksandr-Arnold, Joyel Matip, Virjil Van Deyk, Endryu Robertson, Fabino, Jorjino Veynaldum (Jerdan Shakiri, ), Aleks Oksleyd-Chemberlen (Jeyms Milner, 75), Sadio Mane, Muhammad Salah, Divok Origi (Roberto Firmino, 37).
"Nyukasl": Martin Dubravka, Emil Kraft (Mankillo, 67), Fabian Shar, Jamal Laskells, Pol Dammet, Yetro Villems, Isaak Xayden, Jonjo Shelvi, Kristian Atsu, Migel Almiron (Yoshinori Muto, 67), Joelinton.
“Zamin” yangiliklarini “Telegram”da kuzatib boring