18:55 / 17.09.2019
3 006

Sanjar Tursunov hindistonlik bokschiga yutqazdi

Sanjar Tursunov hindistonlik bokschiga yutqazdi
Bugun, 17 sentyabr kuni Rossiyaning Yekaterinburg shahrida boks bo‘yicha jahon chempionatining to‘qqizinchi kun bellashuvlari bo‘lib o‘tmoqda.

O‘zbekiston boks terma jamoasining -91 kg vazn toifasidagi vakili Sanjar Tursunov mazkur jahon chempionatidagi ikkinchi jangini hindistonlik Sanjit Sanjitga qarshi o‘tkazdi va 1:4 hisobida mag‘lub bo‘ldi.

Shu tariqa, jahon chempionatida hozircha O‘zbekiston jamoasining uch nafar vakili - Elnur Abduraimov (-63 kg), Fanat Qahramonov (-75 kg) va Sanjar Tursunov (-91 kg) o‘z ishtirokini yakunlashdi.

Bugun kechki dasturda O‘zbekiston terma jamoasining yana 4 nafar vakili chorak final yo‘llanmasi uchun ringga ko‘tariladi.

-57 kg: Miraziz Mirzaxalilov – Muhammad Hamout (Marokash)
-69 kg: Bobousmon Baturov – Delante Jonson (AQSh)
-81 kg: Dilshod Ro‘zmetov – Andre Paul Aradoay (Ruminiya)
+91 kg: Bahodir Jalolov – Sotne Rogava (Ukraina).

Janglarni tomosha qilish uchun link:

Ring B: Mirazizbek Mirzaxalilov - Muhammad Hamut, 19:25 dan so‘ng, Bobousmon Baturov - Delante Jonson, 19:55dan so‘ng, Dilshodbek Ro‘zmetov - Andrei Aradoay, 21:20 dan so‘ng, Bahodir Jalolov - Sonte Rogava, 22:30dan so‘ng.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Sanjar Tursunov hindistonlik bokschiga yutqazdi