"Lokomotiv" - 4 karra O‘zbekiston vitse-chempioni. Superligada 24-turdan keyin turnir jadvalidagi holat

Toshkentning "Lokomotiv" klubi safarda "Andijon" ustidan 4:0 hisobida g‘alaba qozondi va chempionat tugashiga 2 tur qolganida ikkinchi o‘rinni va OChL-2020 pley-off yo‘llanmasini naqd qildi.

Sababi uchinchi o‘rindagi "So‘g‘diyona" Termizda "Surxon"ga yutqazib qo‘ydi (0:1), to‘rtinchi o‘rindagi "Bunyodkor" esa o‘z maydonida "Navbahor"ni mag‘lub etib, ochkolarini 39taga yetkazib oldi.

«Andijon» - «Lokomotiv» - 0:4
Gollar: Jamshid Iskanderov 40, Oston Urunov 68, Sardor Mirzayev 70, Ildar Mamatkazin 88 (o‘z dar.).
«Andijon»: Vitaliy Mirniy, Ildar Mamatkazin, Abror Xusinov, Boburjon Akbarov, Ro‘zimboy Ahmedov, Doniyor Ismailov, Qahramon Bahodirov, Xushnudbek Avilov (Davronbek Isoqov, 65), Dilshod Rahmatullayev (Baxtiyor Qosimov, 63), Farhod Bekmuratov, Shahzod Ubaydullayev,
«Lokomotiv»: Ignatiy Nesterov, Davron Hoshimov, Islom To‘xtaxo‘jayev, Anzur Ismoilov, Oleg Zoteyev, Oston Urunov, Yovan Jokich, Jamshid Iskanderov (Smit Medina, 87), Arslanmirat Amanov (Ibrohim G‘anixonov, 78), Diyor Turopov, Sardor Mirzayev.

«Surxon» – «Co‘g‘diyona» - 1:0
Gol: Darko Stanoyevich 62.
«Surxon»: Asilbek Amonov, Abduqahhor Xojiakbarov, Rahmatullo Berdimurodov, Shavkat Salomov, Abdulaziz Yuspov (Shoxnazar Norbekov, 71), Abror Ismoilov, Vladimir Bubanya, Husniddin G‘ofurov, A’zam Aliyev, Darko Stanoyevich, Asror G‘ofurov.
«Co‘g‘diyona»: Milan Mitrovich, Iskandar Shoyqulov, Elyor Orifov, Kaxi Maxaradze, Sanjar Rashidov (Oybek Nurmatov, 75), Shohruz Norxonov, Jamshid Boltaboyev, Jasur Hasanov (Muhammadanas Hasanov, 82), Daniel Nasriddinov (Izzat Abdullayev, 54), Nikola Milinkovich, Sherzod Fayziyev.

Oxirgi ikki turda "Bunyodkor" "Lokomotiv"ga ochkolar bo‘yicha yetib olishi mumkin. Ammo shunday bo‘lgan taqdirda ham Samvel Babayan shogirdlari o‘zaro o‘yinlardagi natijalar tufayli ikkinchi o‘rinni egallashadi.

Bu yil ushbu jamoalar o‘rtasidagi "Lokomotiv" maydonida o‘tgan bahsda 0:0, "Bunyodkor" maydonida o‘tgan uchrashuvda 1:1 hisobi qayd etilgan. "Temiryo‘lchilar" safarda urilgan gol evaziga o‘zaro o‘yinlarda ustunlikka erishishdi.

Ma’lumot uchun, "Lokomotiv" 2013, 2014 va 2015 yillarda ham O‘zbekiston chempionatida kumush medallarga ega chiqqan.
“Zamin” yangiliklarini “Facebook”da kuzatib boring