Bektemir Meliqo‘ziyevning navbatdagi jangi sanasi va raqibi ma’lum bo‘ldi

^{Foto: Twitter}
Professional boksning super o‘rta (-76,2 kg) vazn toifasida ringga ko‘tarilayotgan Rio—2016 Olimpiadasi sovrindori, o‘zbekistonlik Bektemir Meliqo‘ziyev (3-0, 3 KO) o‘zining navbatdagi jangini Toshkent vaqti bilan 14 dekabr kuni AQShda o‘tkazadigan bo‘ldi.

Ma’lum bo‘lishicha, Bektemir professional boksdagi 4-jangida amerikalik Vaugin Aleksanderga qarshi ringga ko‘tariladi. 33 yoshli Vaugin hozirga qadar prof boksda 18 ta jang o‘tkazib, ularning 15 tasida g‘alaba qozongan. To‘qqizta jangda raqiblarini nokautga uchratgan. Uchta jangda esa mag‘lub bo‘lgan.

Meliqo‘ziyev esa shu kungacha uchta jangda ishtirok etib, ularning barchasida nokaut bilan g‘alaba qozongan. “Zamin” yangiliklarini “Vkontakti”da kuzatib boring