Turkiya terma jamoasi afsonasi nega AQSHda taksistlik qilyapti?

Turkiya terma jamoasi sobiq hujumchisi Hoqon Shukur Turkiya prezidenti Rajab Toyib Erdo‘g‘an bilan oradagi kelishmovchilik sabab hayoti qiyin axvolga tushib qolganini aytdi.

Gap shundaki, u 2016 yil ijtimoiy tarmoqlarda mamlakat rahbariini keskin tanqid qilgan. Shundan so‘ng sobiq futbolchini terrorchiga chiqarishdi va ushbu ayblovdan qutulish maqsadida u AQSHga qochib ketdi. U San-Fransiskoda kafe ochdi. Biroq, oradan ma’lum vaqt o‘tgach u yerda ham ta’qibga uchradi va kafeni yopishga majbur bo‘ldi. Keyin Vashingtonga ketdi.

Ayni damda u AQSH poytaxtida taksistlik qilmoqda va kitob sotmoqda.
“Meni hech narsam qolmadi. Erdo‘g‘an hammasini tortib oldi. Mendan so‘z erkinligini va ishimni tortib olishdi”, - deydi Shukur.

Ma’lumot uchun, Hoqon Shukur 1992-2008 yillarda Turkiya terma jamoasi sharafini himoya qilgan. U 2002 yil Turkiya terma jamoasi safida mundialda bronza medallarini qo‘lga kiritgan. “Zamin”ni Telegramʻda oʻqing!