OCHL-2020 saralash. Eron klublariga texnik mag‘lubiyat yozilishi mumkin

Xabaringiz bor, bugun Osiyo chempionlar ligasi yangi mavsum guruh bosqichiga chiqish uchun 2-saralash raundi o‘yinlari bo‘lib o‘tdi.
Ma’lum sabablarga ko‘ra, Erondagi bahslar o‘tkazilmadi. Taniqli futbol mutaxassisi Alisher Nikimbayev telegram'dagi sahifasi orqali bunga aniqlik kiritib o‘tdi.

“OFK Eron klublarining 2-saralash bosqichidagi uy uchrashuvlarini 25 yanvar sanasi bilan Amirliklarga (BAA) ko‘chirdi. Agar, “Istiqlol-Texron” va “Padidex” (“Shaxr Xadro”) ushbu qarorga rozi bo‘lsa, u holda ular Amirliklarga uchib kelishi va o‘yin o‘tkazishi shart bo‘ladi. Bordiyu, ular oldin aytilganidek, musobaqani boykot qilishga qat’iy qaror qilishsa, unda jamoalarga texnik mag‘lubiyat yoziladi. Voqealar rivojini kuzatamiz”, – deya qayd etgan Nikimbayev. “Zamin”ni Telegramʻda oʻqing!