07:00 / 10.02.2020
1 723

"Paxtakor" OCHL-2020 guruh bosqichida qancha pul ishlab topishi mumkin?

"Paxtakor" OCHL-2020 guruh bosqichida qancha pul ishlab topishi mumkin?
Xabaringiz bor, 10 fevraldan OCHL-2020 guruh bosqichi start oladi. Ushbu musobaqada yurtimiz sharafini faqatgina "Paxtakor" himoya qiladi.
"Sherlar" "V" guruhidan joy olishgan. Ushbu kvartetda hamyurtimiz Aziz G‘aniyev yaqindagina ko‘chib o‘tgan BAAning "Shabab Al Ahli", "Al Hilol" va "Shaxr Xodro" jamoalari bor.

Ko‘pchilikni mazkur musobaqadagi mukofot pullari, ayniqsa, "Paxtakor" guruh bosqichida qancha pul ishlab olishi qiziqtiradi. Shu bois biz bu haqda ma’lumot beramiz.

OFK qit’amizning eng nufuzli musobaqasi uchun mukofot pullarini e’lon qilgan. Unga ko‘ra musobaqaning guruh bosqichida qo‘lga kiritilgan har bir g‘alaba uchun 50 ming, durang uchun esa 10 ming AQSH dollari beriladi.

Guruhdan chiqishni uddalagan jamoalar esa 100 ming dollar ishlab oladi. Yarim finalchilar 250 ming, chorak final ishtirokchilari esa 150 ming AQSH dollaridan jamg‘aradi.

Chempion 4 mln AQSH dollari, finalchi esa 2 mln AQSH dollari miqdoridagi mukofot pullariga ega bo‘ladi.
Eslatib o‘tamiz, "Paxtakor" 10 fevral kuni Toshkentda BAAning "Shabab Al Ahli" klubi bilan kuch sinashadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)