Toshkentdagi "Orient Finans Bank" majlislar zalida "Lokomotiv" yangi mavsum oldidan o‘z tarkibiga qo‘shib olgan futbolchilarning tanishtiruv marosimini o‘tkazdi.
Ushbu tadbirni "Lokomotiv" bosh direktori o‘rinbosari To‘labek Akramov hamda bosh murabbiy Andrey Fyodorov ochib berishdi. Bu haqda klub matbuot xizmati xabar berdi.
To‘labek Akramov: - Barchani yangi mavsum bilan tabriklayman. Chempionatdagi jamoalarga omad tilayman. "Lokomotiv" 2019 yilning dekabridan buyon yangi mavsumga tayyorgarlik ko‘rmoqda. Jamoa BAAda o‘quv-mashg‘ulot yig‘inlarini o‘tkazdi. Bu biz uchun OCHL pley-off bahsiga tayyorgarlik vazifasini o‘tab berishi kerak edi. Afsuski, o‘yinda omadimiz kelmadi. Alamli mag‘lubiyatga uchradik. Umuman olganda, jamoamiz shundan so‘ng bir necha sinov-nazorat o‘yinlarini o‘tkazdi. Xatolar ustida ishladik, murabbiylar shtabi ham muammolarni ko‘rib chiqishdi.
Andrey Fyodorov: - Xayrli kun. "Lokomotiv" ushbu mavsumda umuman boshqacha ko‘rinishga ega bo‘ladi. Jamoamiz matbuot ko‘z o‘ngida yangi mavsumga tayyorlandi. Jamomiz yana yangicha ko‘rinish olmoqda. Garchi ko‘plab futbolchilar jamoani tark etib, yangilar olingan bo‘lsa-da, mavsumdagi vazifalarimiz o‘zgarmaydi. Yangi futbolchilarning sifatlari anchagina yuqori va ular jamoani kuchaytira olishadi. Biz yig‘inlar davomida yoshlik va tajribani uyg‘unlashtirishga intildik. Jamoani kim boshqarsa ham, kimlar o‘ynasa ham, bizning maqsadlarimiz o‘zgarmaydi. Sovrinlar yutish - "Lokomotiv"ning asosiy vazifasi.
- "Lokomotiv"ni qishda Islom To‘xtaxo‘jayev tark etgandi. Xitoydagi muammolar sabab uning klub bilan shartnomasi bekor qilingan deb eshitdim. U "Lokomotiv"ga qaytishi mumkinmi?
- Islom dekabrda Xitoyga ketgandi. U borasidagi vaziyatni kuzatib boryapmiz. U jamoamiz tarkibida mashg‘ulotlarni davom ettirmoqda. Hozirda ham u Xitoy chempionatining boshlanishini kutyapti. U o‘z kuchini boshqa chempionatda sinab ko‘rishini qattiq istamoqda.
- Sobiq futbolchilarning yana jamoaga qaytarishga nima sabab bo‘ldi?
- Ularning mahorati. Jamoaga tajribali futbolchilar kerak. Boshida aytgandim, bizga tajribali va yoshlik o‘rtasidagi balans kerak. Ular o‘yindagi holatni ushlab tura olishadi.
- Tojikistonlik futbolchi borasidagi ish qanday yakun topdi?
- Alisher Jalilov bilan muzokaralar olib bordik. U bilan maoshini kelisha olmadik. Oybekni biz ancha vaqtdan buyon kuzatib bordik. U hozirda o‘zining yuqori jismoniy holatida. U shu orqali jamoaga katta foyda keltira olishi mumkin. Bizga sifatli futbolchilar kerak. Bu borada biz rahbariyat bilan doimo muloqotdamiz va har tomonlama o‘ylab ko‘rib ish qilamiz.
Shundan so‘ng futbolchilar tanishtirildi:
Shahzod Shaymanov 4-raqam
Davron Umirov 6-raqam
Kaxi Maxaradze 7-raqam
Kirill Pogrebnyak 9-raqam
Slavko Damyanovich 5-raqam
Marat Bikmayev 10-raqam
Kamron Saydazimov 22-raqam
Abdul Aziz Yusupov 23-raqam
Oybek Qilichev 70-raqam
Sherzod Fayziyev 37-raqam “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Ispaniya va Gretsiya Kiyevga Patriot tizimlarini yetkazib berishdan bosh tortdi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Uchar avtomobil yo‘lovchi bilan birinchi parvozini amalga oshirdi (video)
Ruslar Abrams tanklarining zaif tomonini topishdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi