“Roma”da men bilan gaplashmay qo‘yishdi

“Roma” safini tark etgan jahon chempioni Pedro Rodriges yangi jamoasi “Latsio”ga o‘tganidan keyin Rimda unga qanday munosabatda bo‘lishganini gapirib berdi.

- “Roma”da qiyin vaziyatga tushib qoldim. Men bilan rahbariyatning biror vakili gaplashmasdan jamoadan chetlatib yuborishdi. Keyin “Latsio” bosh murabbiyi Mauritsio Sarriga murojaat qildim. Transfer amalga oshdi. Bundan juda xursandman, - dedi Pedro.

Pedrodan “Roma”ga qarshi derbida gol urish istagi haqida so‘rashdi.

- “Roma” endi o‘tmishda qoldi. Bu haqida gapirishni istamayman. Men hozirgi jamoadagi do‘stlarimga imkon qadar ko‘proq yordam bermoqchiman. Men hozir shu haqida o‘ylashim kerak, - dedi Pedro. “Zamin” yangiliklarini “Telegram”da kuzatib boring