Belgrad-2021. O‘zbekiston nomidan 2 bokschi final uchun ringga ko‘tariladi

Serbiyaning Belgrad shahrida boks bo‘yicha erkaklar o‘rtasidagi jahon chempionati hal qiluvchi pallada. Musobaqada chorak finallar yakunlandi. Endi navbat yarim finallarga.

Bugun, 4 noyabr kuni O‘zbekiston sharafini ushbu bosqichda 2 nafar bokschimiz himoya qiladi. Ular Abdumalik Xalakov va Madiyar Saidrahimov. Bu hamyurtlarimiz chorak finalda g‘alaba qozongani bois bronza medallarini naqd qilishdi. Endi ular oltin medal uchun bellashadi.

Abdumalik Xalakov (-60 kg) eronlik Daniel Shaxbaxsh bilan ringga ko‘tariladi. Jang Toshkent vaqti bilan taxminan 18:15dan so‘ng boshlanadi.

Madiyar Saidrahimov (-92 kg) kubalik La Kruz Peraza bilan ringga ko‘tariladi. Jang Toshkent vaqti bilan taxminan 00:45dan so‘ng boshlanadi. “Zamin” yangiliklarini “Telegram”da kuzatib boring