JCH—2022. Portugaliya so‘nggi daqiqada gol o‘tkazib, yo‘llanmani qo‘ldan chiqardi

Yevropa mintaqasida JCH—2022 saralashining so‘nggi turidan o‘rin olgan bir qator o‘yinlar 14 noyabr, yakshanba kuni o‘tkazildi.

Portugaliya va Serbiya jamoalari so‘nggi turda guruh peshqadamligi uchun o‘zaro kurash olib bordi. Uchrashuvning ikkinchi daqiqasidayoq Renatu Sanshesh mezbonlarni oldinga olib chiqqan bo‘lsa, 33-daqiqada Dushan Tadich muvozanatni tikladi. Asosiy vaqtning so‘nggi daqiqasida Aleksandr Mitrovich serblarning ikkinchi golini urdi. Bu g‘alaba orqali Serbiya guruhda birinchi o‘ringa ko‘tarilib oldi.

Xuddi shunday o‘yin B guruhi vakillari Ispaniya va Shvetsiya o‘rtasida bo‘lib o‘tdi. Uchrashuvning so‘nggi daqiqalarida Alvaro Morata tomonidan urilgan gol ispanlarga g‘alaba taqdim etdi.

Shu tariqa Serbiya va Ispaniya Jahon Chempionatiga to‘g‘ridan-to‘g‘ri yo‘llanmani qo‘lga kiritdi. Portugaliya hamda Shvetsiya esa o‘tish bahslarida ishtirok etadi.

O‘tgan turda mundial masalani hal qilgan Germaniya terma jamoasi safarda Armaniston bilan bahs olib bordi va yirik hisobda zafar quchdi. Nemislar safida Ilkay Gundo‘g‘an dubl qayd etgan bo‘lsa, Kay Havers va Yonas Hofmann bittadan gol urdi. Armanlarning javob to‘piga Genrix Mxitaryan mualliflik qildi.

Portugaliya – Serbiya 1:2
Gollar: 1:0 – 2 Sanshesh, 1:1 – 33 Tadich, 1:2 – 90 Mitrovich.
Portugaliya – Ruy Patrisiu, Joau Kanselu, Ruben Diash, Mendesh, Fonte, Moutinyu (Palinya, 64), Danilu Pereyra (Andre Silva, 90), Bernardu Silva (Brunu Fernandesh, 64), Sanshesh (Ruben Nevesh, 84), Diogu Jota (Joau Feliks, 83), Ronaldu.
Serbiya – Raykovich, Milenkovich, Pavlovich, Velkovich (Spayich, 65), Lukich, Kostich (Yovich, 89), Milinkovich-Savich, Jivkovich (Radonich, 69), Gudel (Mitrovich, 46), Tadich, Vlahovich.
Ogohlantirishlar: Joau Kanselu (8), Gudel (13), Moutinyu (61), Pavlovich (66), Sanshesh (67), Milenkovich (70), Mitrovich (90+1).

Ispaniya – Shvetsiya 1:0
Gol: 1:0 – 86 Morata.
Ispaniya – Unai Simon, Pau Torres, Alba, Aspilikueta, Lyaport, Buskets, Soler (Merino, 73), Olmo (Mendes, 90), Gavi (Rodri, 90), Sarabiya (Morata, 59), de Tomas (Rodrigo, 60).
Shvetsiya – Olsen, Lindelof, Augustinsson, Nilsson, Kraft (Olsson, 85), Kulusevski (Kvayson, 64), Ekdal, Forsberg (Svanberg, 63), Olsson, Klasson, Isak (Ibrahimovich, 73).
Ogohlantirishlar: Kraft (77), Mendes (90).

Armaniston – Germaniya 1:4
Gollar: 0:1 – 15 Havers, 0:2 – 45, penalti Gundo‘g‘an, 0:3 – 50 Gundo‘g‘an, 1:3 – 59, penalti Mxitaryan, 1:4 – 64 Hofmann.
Armaniston – Buchnev, Aroyan, Chalishir, Terteryan, Margaryan, Udo (Grigoryan, 84), Voskanyan, Bayramyan (Selarayan, 69), Spersyan, Mxitaryan (Grigoryan, 77), Adamyan (Briasko, 69).
Germaniya – ter Shtegen, Kerer, Ta, Ginter, Raum, Havers, Hofmann (Baku, 84), Sane (Brandt, 60), Gundo‘g‘an (Arnold, 60), Myuller (Nmecha, 60), Noyxaus (Folland, 73).
Ogohlantirishlar: Voskanyan (45), Noyxaus (58), Arnold (68).

Shimoliy Makedoniya – Islandiya 3:1
Gollar: 1:0 – 7 Alioski, 1:1 – 54 Torsteynsson, 2:1 – 65 Elmaz, 3:1 – 86 Elmaz.

Gretsiya – Kosovo 1:1
Gollar: 1:0 – 44 Masuras, 1:1 – 76 Rrahmani.

Luksemburg – Irlandiya 0:3
Gollar: 0:1 – 67 Daffi, 0:2 – 75 Ogbene, 0:3 – 88 Robinson. “Zamin” yangiliklarini “Odnoklassniki”da kuzatib boring