Saloh: “Xavi menga qiziqayotganini eshitish yoqimli, ammo …”

“Liverpul” forvardi Muhammad Saloh unga “Barselona” qiziqayotgani haqidagi xabarlarga munosabat bildirdi.
“Agar barchasi menga bog‘liq bo‘lsa, “Liverpul”da qolishni istashimni bir necha bor aytganman.

Biroq, oxirgi qaror rahbariyatning qo‘lida va ular bu masalani hal qilishlari kerak. Muammo yo‘q, ammo shartnoma bo‘yicha kelishuvga erishishimiz kerak bo‘ladi. Bu ularga bog‘liq. Futbolchining moliyaviy qiymati klub uni qanchalik qadrlashi va saqlab qolish uchun nima qilishga tayyor ekanligidan dalolat beradi.

Xavi menga qiziqayotgani haqida o‘qidim. “Barselona”dek jamoa menga qiziqish bildirgani yoqimli, ammo “Liverpul”da baxtliman. Kelajakda nima bo‘lishini esa ko‘ramiz.

Hozir APLda qolishni istardim, chunki bu dunyoning eng kuchli ligasi”, deydi misrlik. “Zamin”ni Telegramʻda oʻqing!