O‘tgan yili yozgi transfer oynasi ochilgan paytda “Nasaf”ga taklif qilingan serbiyalik hujumchi Andriya Kaluderovich mavsum oxirida shartnomasi tugagani sababli klubni tark etgandi.
U Superligada 14 ta bellashuvda maydonga tushib, 2 ta gol urdi. Kubok doirasida esa 3 ta o‘yin va 3 ta gol. Qolaversa, OFK Kubogida ham Kaluderovichning muhim gollarini eslaymiz.
Bu yil 35 yoshni qarshilaydigan legioner qayerda to‘p surishi ma’lum bo‘ldi. “Nasaf”dan ketganidan keyin Sports.uz saytiga keyingi faoliyatini Serbiyada davom ettirmoqchiligini aytgandi. Uning bu gapi to‘g‘ri bo‘lib chiqdi.
Futbolchi mahalliy “Proleter” klubi bilan shartnoma tuzdi. Bu haqda Andriya o‘zining feysbukdagi sahifasida ma’lum qildi. Ammo bu Kaluderovich uchun yangi emas, balki eski jamoa. Negaki, “Nasaf”ga kelishdan avval ushbu klubda to‘p surgan. Shu tariqa, “jahongashta” legioner yana bir bor jamoasini o‘zgartirdi.
U shu paytgacha qaysi klublar sharafini himoya qilganini bilasizmi? OFK (Serbiya), “Negosh” (Chernogoriya), “Machva” (Chernogoriya), “Xayduk” (Xorvatiya), “Spartak” (Serbiya), “Radnichki” (Serbiya), “Rad” (Serbiya), “Srvena Zvezda” (Serbiya), “Beyjing Goan” (Xitoy), “Rasing” (Ispaniya), “Voyvodina” (Serbiya), “AYEL” (Kipr), “Tun” (Shveysariya), “Brisben Roar” (Avstraliya), “Al-Shaxaniya” (Qatar), “Jalgiris” (Litva), “Port” (Tailand), “Vellington Feniks” (Avstraliya), “Olimpiya” (Sloveniya), “Deli Daynamos” (Hindiston), “Inter” (Xorvatiya), RFSH (Latviya), “Proleter” (Serbiya), “Nasaf” (O‘zbekiston).
Futbolchi orada bir klub safiga 2-3 marotaba kelib-ketgan paytlari ham bo‘lgan. Ko‘rib turganingizdek, serbiyalik hujumchi jamoa almashtirishdan sira charchamaydi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Prezident Mirziyoyev Moskva paradidagi ishtirokidan so‘ng Toshkentga qaytdi
AQSHda 9 yoshli bola millionerni uysiz deb o‘ylab, unga bor puli — 1 dollarini berdi
AQSHda Tramp tarafdorlari Vakillar palatasi spikerini lavozimidan chetlata olmadi
Norvegiya tashqi ishlar vaziri: “BMT Falastinning tashkilotga to‘laqonli a’zoligini tasdiqlashi kerak”
Moskvada O‘zbekiston va Rossiya prezidentlari uchrashuvi bo‘lib o‘tdi
Rossiyalik xakerlar Putin tabrigini Ukraina saytlariga joylashtirdi
Yevropa chempionlar ligasi, "Bavariya" va hakamlar...
Qarish jarayonini tezlashtirib yuboradigan 5 ta mahsulot