“Barselona” rahbariyati: Bu oʻyinchiga katta maosh toʻlaymiz!

“Barselona” rahbariyati “Milan” yarim himoyachisi Frank Kessyeni katta maosh bilan oʻziga ogʻdirib olmoqchi.
Jismonan baquvvat futbolchi mavsum oxirida erkin agentga aylanadi va uning xaridorlari navbat kutib turibdi.

Agar 25 yoshli yarim himoyachi Kataloniya klubini tanlaydigan boʻlsa, unga yiliga 6,5 million yevro maosh toʻlanadi.

Kessye 2017 yildan beri milanliklar tarkibida toʻp tepib kelmoqda. U muhitni oʻzgartirish uchun klub bilan kelishuvni yangilamadi. U joriy mavsumda A seriyada 20 marotaba maydonga tushib, beshta gol urishga muvaffaq boʻldi.