Superliganing 1-turidan o‘rin olgan "Navbahor" - "Nasaf" (0:0) bahsidan keyin mezbonlar ustozi Samvel Babayan fikrlarini bildirdi.
"Bugun menimcha futbol bayrami u qadar o‘xshamadi. Yigitlar muxlislarni xursand qilish uchun biroz shoshib qolishdi.
Raqibimiz bir necha yillardan buyon barqaror o‘yin namoyish etib kelmoqda. Bundan tashqari, "Nasaf" bitta rasmiy o‘yin o‘tkazib bo‘ldi – Superkubok. Bugun biz g‘alabaga yaqinroq edik, bir nechta imkoniyatlar bo‘ldi. Afsuski, ular gol bilan yakunlanmadi.
Muxlislar bugun "Navbahor-2022"ni faqat qisman ko‘rishdi. Birinchi taymdagi dastlabki 20 daqiqa va uchrashuvning oxirgi 35 daqiqasida. Bu yil qiziqarli chempionat bo‘ladi deb o‘ylayman. O‘yinimizni yanada sifatli qilishga va muxlislarni xursand qilishga harakat qilamiz", – dedi Babayan.
- "Navbahor"ga muxlislar yordam beradi deyishadi, ammo menimcha, bugun ular xalal bergandek bo‘ldi. Ayniqsa, so‘nggi 10 daqiqada har bir pas noaniq ketaverdi...
- To‘g‘ri aytyapsiz. Muxlislarni xursand qilish uchun haddan ziyod istak bor edi. Klubga kelganimda aytganman, "Navbahor"da bosimga bardoshli futbolchilar o‘ynashi kerak deb. Bugun katta imtixon bo‘ldi. Xatolarni tahlil qilamiz.
- 1996 yilgi "Navbahor"da ishlagansiz, hozirgi va o‘sha jamoani taqqoslay olasizmi?
- Hozir ikki jamoani taqqoslash qiyin. 1996 yilda ham, hozir ham yaxshi futbolchilar jam bo‘lishgan. Ikki jamoa ham men uchun qadrdon. Xuddi 1996 yilgidek sifatli o‘yin ko‘rsatishga urinamiz.
- Andreyevga to‘p tushganida faqat "ichkariga" tepib yubormoqda. Siz shunday ko‘rsatma berganmisiz yoki o‘zini yo‘qotib qo‘ydimi?
- Andreyev ham, boshqa futbolchilar ham bosim natijasida ko‘p xato qilishdi.
- "Navbahor" Turkiyada 10 dan ziyod o‘rtoqlik uchrashuvi o‘tkazdi, biroq bugun ko‘rdikki, jamoaviy o‘yindan asar ham yo‘q...
- Bugun yuqorida aytganimdek, ishqibozlar jamoaviy o‘yinning faqat bir qismini ko‘rishdi. Hali oldinda ancha qiladigan ishlarimiz bor. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Rossiya Kursk viloyatidagi hududlarini qaytarib olishga 50 ming harbiy to‘pladi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
