“Roma” yozgi transferlar vaqtida “Reyms” hujumchisi Ugo Ekitikeni transfer qilishni rejalashtirmoqda, deb xabar berdi Calciomercato sayti.
19 yoshli hujumchi professional faoliyatidagi debyut mavsumidayoq mohir to‘purar ekanini namoyish qilib kelmoqda.
“Reyms” klubi tarbiyalanuvchisi barcha turnirlarda 24 ta uchrashuvda qatnashib, o‘z hisobiga o‘nta gol va to‘rtta assist yozdirib qo‘ydi. Bu yosh hujumchi uchun juda yaxshi natija hisoblanadi.
Tabiiyki, bu iqtidor egasi skautlarning nazaridan chetda qolgani yo‘q. “Roma” klubi bosh murabbiyi Joze Mourino hujum chizig‘ini kuchaytirish va ichki raqobatni oshirish uchun Ugo Ekitikeni Rimga olib kelishni xohlayapti.
Hozir “Roma”da asosiy hujumchi vazifasini Temmi Abraxam va Nikolo Dzanolo bajarmoqda. Eldor Shomurodov, Feliks, Stefan El-Shaaravi va Karles Peres asosan zaxiradan o‘yinga tushmoqda.
Ekitikening “Reyms” bilan amaldagi shartnomasi 2024 yilning yarmigacha davom etadi. Bu klub o‘z yetakchisini 20 million yevroga qo‘yib yuborishi mumkin.
Mourino eng omadsiz futbolchini “Roma”ga olyapti
“Chelsi”ga foydasi tegmagan Charli Musonda kelasi mavsumda “Roma”da o‘ynash imkoniga ega bo‘ladigan ko‘rinadi.
Musonda 2012 yili 15 yoshligida “Chelsi”ga qabul qilingan. Akademiyada tarbiyalangan. 2017 yili birinchi jamoaga kirganidan keyin “Betis”, “Seltik” va “Vitess” klublarida ijarada o‘ynashiga to‘g‘ri keldi.
“Chelsi”dagi o‘n yillik faoliyati davomida yarim himoyachi asosiy jamoada atigi yettita uchrashuvda maydonga tushdi. O‘z davrida eng iqtidorli futbolchilardan biri sifatida e’tirof etilgan Musondaning omadi chopmadi. U tizzasidan olgan jarohati tufayli juda uzoq muddat - 759 kun davomida futboldan chetda yurishga majbur bo‘ldi.
Aslida bu futbolchi bugungi kunda hech qaysi jamoaga kerak emas. “Chelsi” mutsaddilari ham mavsum oxirida shartnomasi tugaydigan o‘yinchiga yangi bitim taklif qilmaydi. Joriy mavsumda Musonda o‘rinbosarlar tarkibida ikki marta ko‘rinish berdi xolos.
Football Insider nashrining xabar berishicha, Joze Mourino o‘zi shaxsan tanigani uchun Musondaga “Roma”dan joy bermoqchi. Tabiiyki, futbolchi ishsiz qolmasligi uchun Mourinoningchaqirig‘ini qabul qilishi tayin.
U “Roma”ga o‘tishga qaror qildi
“Benfika” darvozaboni Mile Svilar lissabonliklar bilan yangi bitim bo‘yicha kelisha olmadi va “Roma” taklifini qabul qiladigan bo‘ldi.
Rim klubi yanvar oyida serbiyalik darvozabon bilan aloqaga chiqib, uni Italiya chempionatina taklif qilgan edi. Bu darvozabon 2018 yili Joze Mourino “Manchester Yunayted”ni boshqargan paytda uning e’tiboriga tushgan. O‘shanda 18 yoshli Sviler Chempionlar ligasi doirasidagi uchrashuvda Antoni Marsyalning 11 metrlik belgidan yo‘llagan zarbasini bartaraf etgandi.
Mourino bu posbonni unutmagan ekan va mana endi uni “Roma”ga chorlayapti. 22 yoshli Svilar “bo‘rilar” safiga o‘tsa, asosiy darvozabon Ruy Patrisiu bilan raqobatlashishiga to‘g‘ri keladi. Aslida Svilar Benfika”da ham asosan o‘rinbosarlar jamoasi darvozasini qo‘riqlab kelayotgan edi.
Mourino eski tanishini kutyapti
Gazzetta dello Sport nashrining xabar berishicha, poytaxt klubi bosh murabbiyi Joze Mourino klub mutasaddilaridan “Tottenxem” yarim himoyachisi Per-Emil Xyoybergni transfer qilishni so‘ramoqda.
26 yoshli futbolchi “Tottenxem”da Joze Mourino qo‘l ostida ham to‘p tepgani bois, portugaliyalik mutaxassis uning imkoniyatlarini juda yaxshi biladi.
Xyoyberg legioner sifatidagi faoliyatining katta qismini Bundesligada o‘tkazgan. U Germaniya chempionatida “Augsburg”, “Shalke” va “Bavariya” sharafini himoya qilgan. Angliyada, dastlab, “Sautgempton”da o‘ynaganidan keyin 2020 yilning yozida “shporlar” uni 16,6 million yevroga sotib olgan.
Daniya terma jamoasi markaziy yarim himoyachisi joriy mavsumda “Tottenxem” safida jami 39 ta uchrashuvda maydonga tushib, uchta gol va to‘rtta assist muallifi bo‘ldi. Uning amaldagi shartnomasi 2025 yilning yozigacha davom etadi va transfer summasi 40 million yevroni tashkil qilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
KXDR askarlarlari urushga kirdi. Razvedka nima demoqda?
Ramzan Qodirov Allamjonovga uyushtirilgan suiqasd yuzasidan munosabat bildirdi
Kiyev: Tramp inauguratsiyasigacha «tinchlik rejalari» haqidagi gaplar asossiz
