Golden Belt. Birinchi kungi bahslarda sakkiz nafar o‘zbekistonlik bokschi g‘alaba qozondi

^{Foto: Boks federatsiyasi matbuot xizmati}
Ruminiyaning Tirgu-Muresh shahrida 6 aprel, chorshanba kuni boks bo‘yicha Golden Belt seriyasiga kiruvchi «Nikolaye Linka» xalqaro musobaqasi boshlandi.

Musobaqaning birinchi kungi bahslarida o‘n nafar o‘zbekistonlik bokschi jang qildi va ularning sakkiz nafari musobaqani g‘alaba bilan boshladi:

-57 kg: Dilshod Abdumurodov ispaniyalik Antoni Fernandesni mag‘lub etdi;
-67 kg: Javlonbek Yo‘ldoshev Andrey Mustet (Ruminiya) ustidan g‘alaba qozondi;
-71 kg: Kamronbek Turg‘unboyev irlandiyalik Valsh Aidanga imkoniyatni boy berdi;
+92 kg: Lazizbek Mullajonov Ukraina vakili Dimitro Lovchinskini mag‘lubiyatga uchratdi;
+92 kg: Jahongir Zokirov Razvan Filip Kristiandan (Ruminiya) ustun keldi;
-75 kg: Abdulaziz Abdupattayev germaniyalik Kevin Shumanni yutdi;
-75 kg: Saidjamshid Ja’farov Vlad Gavrulichga (Moldova) imkon qoldirmadi;
-80 kg: Dilshodbek Ro‘zmetov moldovalik Dmitri Kossyukni mag‘lub etdi;
-80 kg: Odiljon Aslonov Exis Bendan (Germaniya) ustun keldi;
-86 kg: Temur Merjanov Gruziya vakili Artyom Yordanyanga yengildi. “Zamin” yangiliklarini “Odnoklassniki”da kuzatib boring