O‘zbek klublari muxlislarni xursand qilishda davom etadi. "Paxtakor"ning ortidan "Nasaf" ham guruhdagi dastlabki g‘alabasini qo‘lga kiritdi.
Quyida Iordaniya klubi bilan bahsda paydo bo‘lgan va sizning e’tiboringizdan chetda qolgan ba’zi qiziqarli ma’lumotlar haqida.
Ne’matov qaytdi
O‘yinni asosiy tarkibda boshlagan Abduvohid Ne’matov "Nasaf" libosini 7 oylik tanaffusdan keyin ilk marta rasmiy uchrashuvda kiydi. U o‘tgan yilning avgust oyida yo‘liqqan og‘ir jarohati tufayli uzoq muddat yashil maydonning tashqarisida qolib ketdi.
Shuningdek, "Al Vihdat" bilan o‘yin Abduvohid uchun Chempionlar Ligasidagi debyutga aylandi. U 2021 yilda OFK kubogida 3 ta bellashuvda maydonga tushib, darvozasi dahlsizligini saqlab qolgan edi. Demak, "ajdarlar" posboni xalqaro o‘yinlarda hozircha gol o‘tkazgani yo‘q.
"Nasaf" darvozasi dahlsiz qoldi
OCHL guruh bosqichida 26-marta maydonga chiqqan "ajdarlar" 7-marta raqibni mag‘lub qilishdi. Bundan tashqari, qarshiliklar tarixda 6-bor Chempionlar Ligasi o‘yinida nolga o‘ynashdi. Bunga qadar mazkur baxt Eldorbek Suyunovga 3, Sanjar Quvvatov hamda Murodjon Zuhurovga 1 martadan nasib qilgan edi.
Birinchisi...
"Nasaf" o‘z tarixida ilk bor OCHL o‘yinida 2 to‘p farqi bilan zafar quchdi. Bugunga qadar qo‘lga kiritilgan g‘alabalarning barchasida 2:1 yoki 1:0 hisobi qayd etilgan edi.
Shuningdek, "ajdarlar" 6-bor Chempionlar Ligasidagi raqib darvozasini 90 daqiqada 2 marta ishg‘ol qilishdi. "Nasaf" hozircha OCHLning bir o‘yinida 3 ta gol ura olmagan.
Dubl...
Bugungi g‘alaba Stanoyevich tomonidan urilgan 2 gol evaziga qo‘lga kiritildi. Shu tariqa Marko "Nasaf"ning OCHLda dublga erishgan 2-futbolchisiga aylandi. Tarixda buni faqat Artur Gevorkyan uddalagan. Turkmaniyatonlik futbolchi bundan 7 yil oldin "Traktorsozi" maydonida Eron klubi muxlislarini 2 marta ranjitgan edi.
Yaxshi start
Eng yaxshi signal shuki, "Nasaf" o‘z tarixida ilk bor musobaqaning dastlabki 2 turida 4 ochko ishladi. Umid qilamizki, "ajdarlar"ning OCHL guruh bosqichidagi 5-urinishi omadli chiqib, pley-off yo‘llanmasi naqd qilinadi...
Muallif: Faxriddin Ro'ziyev
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Pashinyan Armanistonning Mustaqillik deklaratsiyani eng katta muammo va fojia deb atadi
