O‘zbekistonlik hujumchi Bobir Abdixoliqov "Energetik-BGU" safida ko‘plab gollar urayotganidan xabaringiz bor. Ammo ushbu klub safida yana uch nafar hamyurtimiz o‘ynayotganidanchi? Biri Samarqandning "Dinamo" klubining yetakchisi bo‘lgan Shohruh Abdurahmonov. Ikkinchisi 2004 yilda tug‘ilgan himoyachi Abduqodir Husanov. Uchinchisi "Bunyodkor"dan Minskka ko‘chib o‘tgan yarim himoyachi Abbosbek Jumaqulov.
E’tiboringizni 18 yoshli Abduqodir Husanovga qaratmoqchiman. 2004 yilning 29 fevral sanasida tavallud topgan Abduqodir "Bunyodkor" akademiyasi tarbiyalanuvchisi hisoblanadi. U O‘zbekiston Superligasida o‘ynamay, legionerga aylana olgan futbolchi bugungi kunga kelib "Energetik"ning asosiy markaziy himoyachisi bo‘lib ulgurdi. Abduqodir Bekobodning "Metallurg" klubi afsonalaridan biri bo‘lgan Hikmat Hoshimovning farzandi hisoblanadi.
Instat ma’lumotlariga ko‘ra, Husanov 3ta o‘yinda o‘rtacha 205 ballga ega bo‘lgan. U har bir bahsda o‘rtacha 45ta pas bergan va bu paslarning aniqligi 81 foizni tashkil etgan. Albatta xatolari ham bor: o‘rtacha bitta o‘yinda 4 marta to‘p yo‘qotgan. Uchta turda Abduqodir 35 marta raqiblardan to‘pni olib qo‘ygan (o‘rtacha bir o‘yinda 12 marta). Kurashlarning 67 foizida g‘olib chiqqan. Har o‘yinda o‘rtacha 7 martadan havodagi kurashda qatnashgan va 76 foizida raqiblardan ustunlikka erishgan.
Uchta turdan so‘ng 205 ballga ega bo‘lgan Abduqodir jamoasining eng yaxshi to‘rtinchi futbolchisi bo‘lib turibdi. Undan oldinda Bobir Abdixoliqov (225), Roman Papariga (219) va Shohruh Abdurahmonov (210) bormoqda.
Quyidagi videoda Abduqodirning 1-turda "Vitebsk" bilan o‘yindagi harakatlarini tomosha qilish mumkin. 18 yoshli futbolchining xorij chempionatidagi debyut uchrashuvi mana shunday o‘tdi.
Endi eslab ko‘ringchi, Siz 18 yoshda qayerda edingiz?
Muallif: Narzulla Saydullayev
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
