«Qushcha ozod bo‘ldi» – Twitter endi Ilon Maskniki

Mask Twitter bosh direktori lavozimini egalladi. Sobiq rahbariyat kompaniyani tark etgan. Bu haqda SNBC telekanalida ma’lum qilindi.

Twitter bosh direktori Parag Agraval va moliyaviy direktor Ned Segal kompaniyaning San-Fransiskodagi bosh qarorgohini tark etishgan.

Xabarda aytilishicha, endilikda ijtimoiy tarmoq boshqaruvi ma’muriyatiga yangi xo‘jayin rahbarlik qiladi. «Endi Mask Twitter’ning rahbari», – deyiladi xabarda.

Maskning Twitter’dagi 44 milliard dollarlik xaridi bugun yopilishi kutilyapti. Agar bu sodir bo‘lmasa, kompaniya tomonidan tadbirkorga nisbatan qo‘zg‘atilgan sud jarayoni boshlanishi mumkin.

Chorshanba kuni Mask kompaniya shtab-kvartirasiga tashrif buyurib, xodimlar bilan uchrashgan. Shuningdek, ushbu platformadagi akkauntidagi imzoni ham o‘zgartirgan: «Tvitlar boshlig‘i».

Bir soat oldin esa Mask «Qushcha ozod bo‘ldi» deya tvit qoldirgan. “Zamin”ni Telegramʻda oʻqing!