Foto: TED
Apple kompaniyasining sobiq xodimlari Imron Choudri va Betani Bonjorno tomonidan asos solingan Humane startapi taqib yuriladigan, sun’iy idrokka asoslangan va proyeksiyali displeyga ega gadjetni namoyish etdi. U shaxsiy yordamchi sifatida ishlashga mo‘ljallangan va ko‘krak cho‘ntagiga sig‘adi, deb yozdi The Verge.
«Bu noldan ishlangan, yangi turdagi taqiladigan qurilma va platforma. Va bu butunlay mustaqil gadjet. Undan foydalanish uchun smartfon yoki boshqa qurilma kerak emas», dedi Choudri.
Qurilma teginish, ovozli va imo-ishora buyruqlarini qo‘llab-quvvatlaydi.
«Tasavvur qiling, siz kun bo‘yi yig‘ilishlarda bo‘ldingiz va o‘tkazib yuborgan yangiliklarni tezda bilib olishni xohlaysiz», dedi Choudri, so‘ng tugmani bosdi va yangiliklar bilan tanishtirishni so‘radi. Bunga javoban qurilma elektron pochta, taqvim taklifnomalari va boshqa xabarlarning qisqacha mazmunini taqdim etdi.
Biroq, taqiladigan qurilma bu ma’lumotlarni aynan qayerdan olishi haligacha noma’lum, chunki u smartfonga ulanmaydi. Uning bulutli xizmatlarga ulanishini taxmin qilish mumkin.
Gadjet ekranni yaqin atrofdagi sirtlarga ham proyeksiyalash imkoniyatiga ega. Masalan, kiruvchi qo‘ng‘iroqni foydalanuvchining qo‘lida ko‘rsatishi mumkin. Lekin shundan keyin nima qilish kerakligini ijodkorlar tushuntirishmadi. Ehtimol, bu qo‘ng‘iroqlarga ovozli buyruq yordamida javob berish mumkindir.
Shuningdek, qurilma atrofdagi narsalarni aniqlaydigan kamera bilan jihozlangan. Choudri undan shokoladni aniqlash uchun foydalandi. Shundan so‘ng, u aqlli yordamchidan shokolad tarkibini tahlil qilishni va uni iste’mol qilish parheziga qanchalik mos ekanini so‘radi.
Nihoyat, uning tarjimoni ham bor. Biror iborani ona tilingizda aytasiz, Humane gadjeti uni, masalan, fransuz tilida o‘qiydi.
Boshqa tafsilotlar hozircha oshkor etilmagan. Gadjetning sotuvga chiqariladigan sanasi haqida ham xabar berilmagan.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
