Yaponiyaning Infinity startapi yangi buyum – Infinity Cool Cooling Blanket yopinchig‘ini taqdim etdi. Yopinchiqning o‘ziga xosligi shundaki, unga Ultimate Cool fiber maxsus datchiklari va haroratni tartibga soluvchi Heat/temperature reactive o‘rnatilgan.
Ishlab chiqaruvchi kompaniya ma’lumotlariga ko‘ra, yopinchiq aqlli datchiklar va maxsus “muzlatuvchi” tolalar tufayli atigi 2 daqiqada haroratni 30 darajadan 19,5 darajagacha tushira oladi.
Yopinchiq qanday ishlaydi? U namlik, tana haroratini o‘qiy oladi va sovitish effektini yaratadi. U uyqu vaqtida tanadan uzoqlashganda ham unga tutashib tursa, sovitishda davom etadi. Buyum ishlash vaqtida baland ovoz chiqarmaydi.
Startap allaqachon JIS standarti bo‘yicha sinovdan o‘tgan, innovatsiyalar sohasida bosh sovrinni olgan va Yaponiya bosh vaziri bu yangilikni ma’qullagan.
Mahsulotni yaratuvchilarning fikriga ko‘ra, Infinity Cool yopinchig‘i nafaqat yotoqxona, balki lager va sayohat uchun ham ideal vosita hisoblanadi. Kichik o‘lchamda bo‘lgani bois uni o‘zingiz bilan olib ketish oson.
Ishlab chiqaruvchi kompaniya yopinchiqni olib yurishga oson bo‘lishi uchun sovg‘a sifatida uning sumkasini ham taqdim etgan.
Yopinchiqning sifati haqida nima deyish mumkin? U bir necha marta yuvilgandan keyin ham kichraymaydi. Mahsulot matosi havo o‘tkazish funksiyasiga ega bo‘lgani sababli tez quriydi, bu uni gigiyenik qiladi.
“Zamin” yangiliklarini “Vkontakti”da kuzatib boring
