12:11 / 20.09.2016
4 888

Samsung portlash xavfiga ega Galaxy Note 7 smartfonlarini almashtirib berishni boshladi

Samsung portlash xavfiga ega Galaxy Note 7 smartfonlarini almashtirib berishni boshladi
Janubiy Koreyaning Samsung Electronics kompaniyasi akkumulyatorlari yonib ketgani haqidagi xabarlar tufayli, o‘zining Galaxy Note 7 smartfonlarini almashtira boshladi, deb yozmoqda «Mobinfo.uz»ga asoslanib «Daryo» nashri..

Almashtirib berish jarayoni boshlangan Janubiy Koreyada jami 400 mingga yaqin ushbu modeldagi smartfon sotilgan. Kompaniya ularni yangi smartfonlarga almashtirib berishi yoki operator mobil tarmog‘iga ulanish haqidagi shartnomani bekor qilishi mumkin.

Galaxy Note 7 smartfonlari savdosi o‘nta mamlakatda 17 avgustda boshlandi, ammo sentyabr boshida smartfonning quvvat olish elementlari qizib ketishi va yonib ketishi holatlari haqida xabarlar kelib tusha boshladi. Shundan so‘ng kompaniya ushbu modeldagi barcha smartfonlarni yangilariga bepul almashtirib berishini e’lon qildi. Kompaniya jami 2,5 millionga yaqin Note 7 smartfonlarini qaytarib olishi ma’lum qilindi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)