Apple iPhone 8 simsiz zaryadlash texnologiyasiga ega bo‘ladi

So‘nggi paytlarda “Olma”ning navbatdagi flagmani to‘g‘risida turli tafsilotlar internet tarmog‘ida e’lon qilinmoqda. Misol uchun, bundan bir necha kun avval Yaponiyaning Sharp kompaniyasi Apple iPhone 8 OLED displey bilan jihozlanishi haqidagi xabarni oshkor etgan edi. Bugun esa turli nashrlarda kelgusi yilda taqdim etiladigan Apple iPhone 8 simsiz zaryadlash texnologiyasini qo‘llab-quvvatlashi borasida ma’lumotlar paydo bo‘ldi.

Xususan, Terabayt.uz saytining yozishicha, Apple qurilmalarini tayyorlaydigan Tayvanning Foxconn kompaniyasi hozirda simsiz zaryadlash texnologiyasi uchun zarur bo‘ladigan komponentlarni ishlab chiqmoqda ekan.

Aslida ko‘pchilik mazkur funksiyani shu yilning sentyabr oyida namoyish etilgan iPhone 7 modelida kutgan edi. Biroq ”olma” bu safar ham arqonni uzun tashlab qo‘ydi. Eslatib o‘tamiz, mazkur funksiya Apple’ning eng kuchli raqibi bo‘lgan Samsung smartfonlariga allaqachon tatbiq etilgan. “Zamin”ni Telegramʻda oʻqing!