TikTok ilovasi bastakorlar va musiqa mualliflari uchun yangi imkoniyatlar yaratadigan funksiyalarni joriy qilmoqda, deb xabar berdi TechCrunch. Ushbu yangilik orqali ijodkorlar o‘z musiqalarining tarqalishi va moliyaviy samaradorligini yaxshiroq nazorat qila oladi.
Yangi funksiyalar orasida "Artist Account" (San’atkor akkaunti) deb nomlangan maxsus profil turi mavjud bo‘lib, u orqali musiqachilar o‘z treklarini sahifalarida namoyish qilish, muxlislar bilan aloqa o‘rnatish va TikTok’ning tahlil vositalaridan foydalanishlari mumkin.
Shuningdek, TikTok bastakorlar uchun "Work With Artists" nomli yangi platformani ishga tushirmoqda. Ushbu servis brendlar va kontent yaratuvchilarga musiqachilar bilan hamkorlik qilish imkonini beradi.
TikTok o‘zining musiqiy ekotizimidagi rolini kengaytirishni maqsad qilgan. Har kuni millionlab foydalanuvchilar ilovada musiqalar asosida videolar yaratishadi, endilikda esa bu musiqalarning mualliflari ham ushbu jarayondan daromad olishi mumkin bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
