OpenAI 2025 yil avgust boshida yangi GPT-5 til modelini taqdim etadi, deb rozetked.me xabar berdi. Ushbu model GPT-4 va o-series imkoniyatlarini birlashtiradi va mavjud modellar o‘rnini egallaydi.
Yangi GPT-5’ning e’tibori unumdorlik, massivlik va turli ishlatish ssenariylariga qaratiladi. U asosiy (main), mini va eng yengil (nano) turlarda chiqadi. Main va mini versiyalari ChatGPT hamda API orqali, nano esa faqat API ishlab chiquvchilariga taqdim etiladi.
O-seriya modellar, jumladan mashhur o3, alohida seriya sifatida bekor qilinadi va ularning imkoniyatlari GPT-5 ga qo‘shiladi. Shuningdek, o3-mini ga o‘xshash open-weight model ham tayyorlanmoqda va u 2019 yildagi GPT-2’dan so‘ng birinchi ochiq reliz bo‘ladi. Bu model erkin litsenziya asosida chiqishi kutilmoqda.
Chiqish sanasi aniq emas: jamoa infratuzilma, texnik va bozor omillarini hisobga olmoqda. Biroq, tayyorgarlik faol ketmoqda va OpenAI o‘z hamkorlarini allaqachon ogohlantirgan.
“Zamin”ni Telegramʻda oʻqing!
