Tesla ishga olish siyosati yuzasidan sudga tortildi

AQShda Tesla ustidan sudga shikoyat qilindi. Da’voga ko‘ra, kompaniya amerikalik ishchilar o‘rniga chet elliklarni ko‘proq ishga olayotgani aytilmoqda.

Raqamlarga ko‘ra, 2024-yilda Tesla 1 300 dan ortiq viza egasini ishga qabul qilgan, ammo shu paytda 6 mingdan ko‘proq mahalliy ishchini ishdan bo‘shatgan.

Shikoyatchilar — dasturchi va kadrlar bo‘yicha mutaxassis — kompaniya ularni fuqaroligi sabab ishga olmaganini aytmoqda. Ularning fikricha, chet ellik xodimlarga kamroq maosh berilishi Tesla uchun qulay bo‘lmoqda.

Tesla hozircha bu da’volarga javob bermagan. Da’vogarlar esa kompaniyadan ishsiz qolgan amerikalik xodimlarga tovon to‘lashni talab qilmoqda.