AQSH va Kanadada bir nechta oilalar “ChatGPT” suhbatlari orqali sodir bo‘lgan fojealar uchun OpenAI kompaniyasini sudga berdi, deb xabar berdi The Wall Street Journal.
Da’vogarlar sun’iy intellekt xizmatidan foydalangan fuqarolarning ruhiy holati izdan chiqqanini, ayrim hollarda esa o‘z joniga qasd qilganini ma’lum qilgan. Umumiy hisobda yettita sud ishi qo‘zg‘atilgan.
Ma’lumotlarga ko‘ra, to‘rt nafar shaxs – ular orasida bir voyaga yetmagan foydalanuvchi ham bor – o‘z joniga qasd qilgan, yana uch kishi esa chatbot bilan uzoq muloqotdan so‘ng psixik muvozanatini yo‘qotgan.
Da’vogarlar “ChatGPT”ning suhbat jarayonida ruhiy salomatlikka xavf tug‘diruvchi holatlarni oldindan aniqlay olmaganini tanqid qilib, OpenAI'dan xavfsizlik algoritmlarini kuchaytirishni talab qilmoqda.
Kompaniya bu holatni “juda qayg‘uli” deb baholadi va 2024 yil oktyabridan boshlab mental salomatlik bilan bog‘liq holatlarni erta aniqlash uchun xavfsizlik protokollari yanada kuchaytirilganini ma’lum qildi.
“Zamin”ni Telegramʻda oʻqing!
