AQSh prezidenti Donald Tramp HieFo kompaniyasining Emcore’ga tegishli aktivlarni sotib olishini milliy xavfsizlik sabab to‘xtatdi. Oq uy farmoniga ko‘ra, bu kelishuv Xitoy bilan bog‘liq xavotirlar bilan bog‘liq.
HieFo Nyu-Jersida joylashgan Emcore kompaniyasining chiplar ishlab chiqarish bo‘limini qariyb 3 million dollarga sotib olgan edi. Tramp farmonida HieFo Xitoy fuqarosi tomonidan nazorat qilinishi mumkinligi va bu AQSh xavfsizligiga tahdid tug‘dirishi ehtimoli aytildi.
AQShdagi maxsus qo‘mita bitimni o‘rganib, xavfsizlik bilan bog‘liq muammolar borligini aniqladi. Natijada HieFo kompaniyasiga 180 kun ichida Emcore’ga oid barcha huquqlardan voz kechish topshirildi.
HieFo va Emcore hozircha bu qarorga izoh bermadi. Avvalroq Emcore HieFo kompaniyasi uning chiplar va ishlab chiqarish faoliyatini sotib olganini bildirgan edi. Ushbu qaror AQSh texnologiyalarini chet el ta’siridan himoya qilish siyosatining bir qismi sifatida baholanmoqda.
“Zamin”ni Telegramʻda oʻqing!
