OpenAI yangilangan GPT-5.3 Instant modelini taqdim etdi

OpenAI seshanba kuni ChatGPTʼning eng ko'p ishlatiladigan modeli uchun GPT-5.3 Instant yangilanishini e'lon qildi. Kompaniyaning ta'kidlashicha, ushbu model muloqotdagi «noqulaylik» (cringe) holatlarini kamaytiradi, qidiruv natijalariga ko'proq kontekst qo'shadi va tilni qayta ishlash imkoniyatlarini yaxshilaydi.

Yangilangan model aniqroq javoblar beradi, veb-qidiruvda boyitilgan natijalarni taqdim etadi hamda suhbat oqimiga xalaqit beradigan ortiqcha cheklovlar va keskin iboralarni kamaytiradi. OpenAI vakillarining so'zlariga ko'ra, asosiy e'tibor foydalanuvchilar har kuni duch keladigan jihatlarga — muloqot ohangi, ma'lumotlarning dolzarbligi va suhbatning tabiiyligiga qaratilgan.