Apple yaqin yillarda 10 ta yangi qurilma chiqaradi
Apple yaqin yillarda 10 ta yangi qurilma taqdim etishni rejalashtirmoqda. Bosh direktor Tim Kuk o'z vorisi Jon Ternusga bu yangi mahsulotlar portfelini qoldirmoqda, ularning orasida buklama ekranli "iPhone" ham bor. Shuningdek, sun'iy intellekt asosida ishlaydigan aqlli uy qurilmalari va boshqa innovatsion mahsulotlar, jumladan, aqlli ko'zoynaklar va "AirPods" quloqchinlari ishlab chiqilmoqda. Apple 2026 yoki 2027 yilda yangi sensorli ekranli "Mac" laptoplarini sotuvga chiqarishni rejalashtirmoqda.
"Apple" bosh direktori Tim Kuk o'z vorisi Jon Ternusga yaqin yillar ichida taqdim etilishi rejalashtirilgan o'nta yirik mahsulot portfelini qoldirmoqda. Bloomberg tahlilchisi Mark Gurmanning xabar berishicha, Ternus kompaniya xodimlari bilan uchrashuvda rejalarni hayajonli deb atagan va ular dunyoni o'zgartirishini ta'kidlagan. Bu haqda Tech.onliner.by xabar beradi.
Kutilayotgan eng asosiy yangilik buklama ekranli "iPhone" bo'lib, uni Jon Ternus shaxsan o'zi tanishtirishi kutilmoqda. Shu tariqa kompaniya yangi rahbarni blokbaster mahsulotlarning yangi yuziga aylantirishni maqsad qilgan.
Shuningdek, sun'iy intellekt asosida ishlaydigan aqlli uy qurilmalari turkumi ham kengaytiriladi.
Yangi mahsulotlar qatoridan ekranga ega "HomePod" boshqaruv markazi, maxsus robotlashtirilgan qo'lga o'rnatilgan stol roboti va xavfsizlik datchiklari o'rin olgan. Shuningdek, kameralar bilan jihozlangan aqlli ko'zoynaklar, atrof-muhitni tahlil qiluvchi "AirPods" quloqchinlari va bo'yinga taqiladigan kichik aqlli kulon ishlab chiqilmoqda.
Texnologik gigant 2026 yil oxiri yoki 2027 yil boshida sensorli ekranga ega ilk "Mac" noutbuklarini sotuvga chiqarishni rejalashtirgan. Bundan tashqari, 20 dyuymli buklama "iPad" va kelajakda smartfon o'rnini bosishi mumkin bo'lgan yengil qo'shimcha reallik ko'zoynaklari ustida ish olib borilmoqda.
Izohlar 0
…