Xiaomi kompaniyasi 80 dollar qiymatidagi yangi aqlli tish cho'tkasini taqdim etdi
Xiaomi kompaniyasi 80 dollar qiymatidagi yangi aqlli tish cho'tkasini taqdim etdi. "Mijia Multidirectional Sweeping Electric Toothbrush Pro" deb nomlangan ushbu qurilma ko'p vektorli vibratsion motor va ikki darajali erkinlikka ega konstruktsiyaga ega. Qurilma avtomatik ravishda quvvatni barqarorlashtirib, tish milki shikastlanish xavfini kamaytiradi va foydalanuvchilarga turli xil nasadkalar orqali oddiy tozalash va parvarish imkoniyatlarini taqdim etadi. Shuningdek, u maxsus mobil ilovaga ulanib, ish rejimlarini boshqarish imkonini beradi.
"Xiaomi" kompaniyasi o'zining "Youpin" platformasida yangi "Mijia Multi-directional Sweeping Electric Toothbrush Pro" aqlli elektr tish cho'tkasini namoyish qildi. Mazkur qurilmaning narxi 80 dollar etib belgilangan bo'lib, u o'zining texnik imkoniyatlari bilan ajralib turadi. Bu haqda Ixbt.com xabar beradi.
Qurilmaning asosiy xususiyati ko'p vektorli vibratsion motor va ikki darajali erkinlikka ega konstruksiyadir. Bu tizim qarshilikka duch kelganda quvvatni avtomatik ravishda barqarorlashtiradi va tish milki shikastlanish xavfini kamaytiradi.
Olti koordinatali datchik esa cho'tka uchining holati va qiyaligini aniqlab, yetib borish qiyin bo'lgan joylarni samarali tozalashga yordam beradi.
Tish cho'tkasining korpusi yumshoq rezina qobiq bilan qoplangan. Foydalanuvchilarga oddiy tozalash, nozik parvarish va oqartirish effektiga ega bo'lgan turli xil nasadkalar taklif etiladi.
Shuningdek, qurilma maxsus mobil ilovaga ulanish imkoniyatiga ega. Ilova orqali ish rejimlarini boshqarish va ularni bir marta bosish bilan almashtirish mumkin.
Izohlar 0
…