Firestorm Labs mudofaa startapi yuk konteynerlari ichida dron ishlab chiqaruvchi zavodlarni yaratish uchun 82 million dollar sarmoya jalb qildi. Kompaniyaning umumiy moliyalashtirish hajmi 153 million dollarga yetdi. Bu haqda Techcrunch.com xabar beradi.
San-Diyegoda joylashgan kompaniya xCell deb nomlangan mobil ishlab chiqarish platformasini ishlab chiqdi. Ushbu tizim yordamida dronlarni 24 soatdan kamroq vaqt ichida to'g'ridan-to'g'ri jang maydonida chop etish mumkin.
Har bir xCell konteyneri ichida HP kompaniyasining sanoat darajasidagi 3D printeri o'rnatilgan. U dronning korpusi va qobig'ini tayyorlaydi, qurol tizimlari esa alohida o'rnatiladi.
Kompaniya bosh direktori Dan Magyning ta'kidlashicha, an'anaviy zavodlar oson nishonga aylanadi. Mobil konteynerlar esa logistika muammolarini hal qilib, harbiylarga tezkor moslashish imkonini beradi.
Hozirgi vaqtda ikkita xCell qurilmasi AQSh harbiy havo kuchlari tomonidan sinovdan o'tkazilmoqda. Startap kelgusi ikki yil ichida Hind-Tinch okeani mintaqasida to'liq operatsion faoliyatni yo'lga qo'yishni rejalashtirgan.
“Zamin”ni Telegramʻda oʻqing!
