Google kompaniyasi Google TV uchun sun'iy intellektga asoslangan yangi funksiyalarni e'lon qildi. Shuningdek, YouTube Shorts videolari to'g'ridan-to'g'ri bosh ekranga qo'shiladi. Bu haqda Techcrunch.com xabar beradi.
Ushbu yangilanishning asosiy qismi Gemini imkoniyatlariga qaratilgan. Gemini bo'limidagi "Yaratish" tugmasi orqali foydalanuvchilar Nano Banana va Veo kabi generativ sun'iy intellekt vositalarini sinab ko'rishlari mumkin.
Bu funksiyalar dastlab AQShdagi Gemini tizimini qo'llab-quvvatlaydigan TCL televizorlarida ishga tushiriladi.
Nano Banana modeli foydalanuvchilarga ovozli buyruqlar orqali rasmlarni o'zgartirish imkonini beradi. Uning yordamida kiyimlarni almashtirish, fonni o'zgartirish yoki butunlay yangi sahnalar yaratish mumkin.
Veo esa noldan qisqa videolar yaratish yoki statik rasmlarni jonlantirish imkonini beradi.
Google Photos ham Google TV tizimida yangilanmoqda. Gemini qidiruvi orqali foydalanuvchilar kerakli xotiralarni tezda topishlari mumkin.
Shuningdek, rasmlarga turli badiiy uslublarni qo'llash imkonini beruvchi "Remix" funksiyasi qo'shildi.
Bundan tashqari, "Dinamik slayd-shoular" orqali animatsion maketlar va ramkalar taqdim etiladi. Google TV bosh ekranida YouTube Shorts kontentidan iborat yangi qisqa videolar qatori ham paydo bo'ladi.
“Zamin”ni Telegramʻda oʻqing!
