"Apple" kompaniyasi o'zining "Mac mini" va "Studio" kompyuterlari bir necha oy davomida taqchillikda bo'lishini ogohlantirgach, "Mac mini" modellaridan birini sotuvdan oldi. Kutilganidek qimmat emas, balki eng arzon bazaviy versiya bekor qilindi. Bu haqda Ixbt.com xabar beradi.
Endilikda 256 GB SSD xotiraga ega versiyani xarid qilib bo'lmaydi. Kompaniya uni rasmiy saytdagi konfigurator ro'yxatidan olib tashlagan.
Natijada eng arzon "Mac mini" narxi avvalgi 600 dollar o'rniga 800 dollarni tashkil qilmoqda.
Bazaviy "Mac mini" xarid qilmoqchi bo'lgan foydalanuvchilar endi 200 dollar ko'proq to'lashiga to'g'ri keladi. Mutaxassislarning ta'kidlashicha, 256 GB NAND flesh-xotirasining tannarxi hozirgi narxlarni hisobga olganda ham ancha arzonroq.
Bunday holat kelgusida "MacBook Neo" noutbuklarida ham kuzatilishi istisno qilinmayapti. Biroq u yerda versiyalar o'rtasidagi narx farqi atigi 100 dollarni tashkil etadi.
“Zamin”ni Telegramʻda oʻqing!
