Sony kompaniyasi PlayStation 6 konsolining qachon bozorga chiqarilishi va uning narxi qancha bo‘lishi borasida hali yakuniy qarorga kelmaganini ma’lum qildi. Moliyaviy hisobotdan so‘ng berilgan izohlarda kompaniya vakillari bozordagi noaniq vaziyat tufayli oldindan reja tuzish qiyinligini ta’kidlashdi. Bu haqda Ixbt.com xabar beradi.
Mutaxassislarning fikricha, 2027-moliya yilida xotira chiplari narxi yuqori bo‘lib qolishi kutilmoqda, chunki taklifdagi tanqislik saqlanib qoladi. Sony ushbu omillarni inobatga olgan holda, yangi avlod qurilmasini ishlab chiqarish strategiyasini ehtiyotkorlik bilan ishlab chiqmoqda.
Avvalroq tarqalgan mish-mishlarda PS6 konsoli 2027-yilning ikkinchi yarmida taqdim etilishi aytilgandi. Biroq, chiqarilish sanasining 2028-yil bahori yoki kuziga surilishi kompaniya uchun qanchalik maqbul ekanligi hozircha noma’lum.
Shuningdek, sizib chiqqan ma’lumotlarga ko‘ra, yangi konsol taxminan 30 GB operativ xotira (RAM) bilan jihozlanishi kutilmoqda. Sony ushbu komponentlarni xarid qilishda narxlar ta’sirini kamaytirish uchun oldindan harakat qilishga majbur bo‘ladi.
“Zamin”ni Telegramʻda oʻqing!
